“Yagona integrator UZINFOCOM” MChJ DataCenter UZINFOCOM elektr ta’minoti tizimida rejali profilaktika-diagnostika ishlari o‘tkazilishini ma’lum qiladi.

Ishlarning Maqsadi va O‘tkazilish Muddati

Ushbu chora-tadbirlar qish mavsumiga tayyorgarlik ko‘rish, tizimlarning ishonchli ishlashini ta’minlash hamda elektr ta’minotida yuzaga kelishi mumkin bo‘lgan nosozliklar va favqulodda holatlarni oldini olish uchun juda muhimdir.

Ishlarni boshlanishi: 23:00 (Toshkent), 2025 yil 29-noyabr (shanba)

Ishlarni yakunlanishi: 05:00 (Toshkent), 2025 yil 30-noyabr (yakshanba)

Bajariladigan Ishlar Tavsifi

Profilaktik ishlar elektr ta’minotining asosiy tarkibiy qismlarini kompleks tekshirishga qaratilgan: shahar elektr tarmoqlari, uzluksiz elektr ta’minoti manbalari (UPS), dizel-generator uskunalari va avtomatik rezerv ulanish tizimi (AVR).

Belgilangan vaqt oralig‘ida quyidagi asosiy ishlar amalga oshiriladi:

Yuklama taqsimoti: Uch fazali elektr tarmoqlarida yuklamani mutanosib taqsimlash.

Rezerv ta’minotga ulash: Server va tarmoq qurilmalarining rezerv quvvat bloklarini yangi avlod UPS tizimiga ulash.

Ulanishlarni mustahkamlash: Yuqori kuchlanishli kabel ulanishlarini tekshirish va mustahkamlash.

Servislar Ishiga Ta’siri

Muhimi shundaki: yuqoridagi ishlar DataCenter UZINFOCOM faoliyati va ko‘rsatiladigan servislarni to‘xtatmasdan amalga oshiriladi. Barcha tadbirlar xizmatlarning uzluksizligini ta’minlash maqsadida rejalashtirilgan.

UZINFOCOM infratuzilmasi ishonchli va barqaror ishlashini ta’minlash uchun barcha zarur choralar ko‘rilmoqda.

Tushunishingiz uchun rahmat.

Hurmatli mijozlar!

“Yagona integrator UZINFOCOM” MChJ Sizga hamkorlik va ishonchingiz uchun minnatdorchilik bildirgan holda Datamarkazda uskunalarni joylashtirish (co-location) xizmatlari bo‘yicha tariflarga o‘zgartirishlar kiritilayotganini ma’lum qiladi.

Xizmatlar sifati va uzluksizligini ta’minlash, shuningdek texnik va ekspluatatsiya xarajatlarni oshishi munosabati bilan  2025-yilning 1-avgustidan boshlab quyidagi tariflar joriy etiladi:

- 1U o‘lchamdagi uskunani joylashtirish — oyiga 550 000 so‘m.

- Qo‘shimcha tarmoq portiga ulanish (100 Mbit/s) — oyiga 150 000 so‘m

- Elektr tarmog‘iga ulanish — oyiga 100 000 so‘mgacha

- Uskunani montaj qilish — 1U uchun 95 000 so‘m (bir martalik to‘lov)

Yaqin kunlarda sizning tashkilotingizga amaldagi shartnomalarga yangilangan ta’riflar va shartlarni o‘z ichiga olgan qo‘shimcha kelishuvlar yuboriladi. Hujjatni olganingizdan so‘ng, tanishib chiqing va zarurat tug‘ilganda shartlarni kelishish uchun mas’ul mutaxassis bilan bog‘laning.

Tushunganingiz va hamkorlikni davom ettirishga tayyorligingiz uchun minnatdorchilik bildiramiz.

Hurmat bilan,

“Yagona integrator UZINFOCOM” MChJ

Datamarkaz

“Yagona integrator UZINFOCOM” MChJ elektr taʼminoti tizimida rejadan tashqari profilaktika va diagnostika ishlarini oʻtkazishi haqida xabar beradi. Bu chora-tadbirlar havo haroratining keskin koʻtarilishi, elektr taʼminotidagi yuzaga kelishi mumkin boʻlgan nosozliklar, shuningdek, joriy yilning 17-iyun kuni qayd etilgan avariya holatlarining oldini olish maqsadida amalga oshirilmoqda.

Ishlar 2025-yil 19-iyun kuni soat 00:00 dan 02:00 gacha oʻtkaziladi.

Ushbu ishlar shahar elektr uzatish liniyalari, uzluksiz elektr taʼminoti manbalari (UPS) hamda dizel-generator uskunasi ishlash rejimini taʼminlash tizimi (AVR) va uning komponentlarini tekshirishni oʻz ichiga oladi.

Shuni alohida taʼkidlamoqchimizki, barcha ishlar UZINFOCOM faoliyatida toʻxtalishlarga yoʻl qoʻymaslik va xizmatlarimizning uzluksizligini taʼminlash maqsadida rejalashtirilgan.

Ma’lum qilamizki, hozirgi vaqtda ns4 serveri faoliyatida vaqtinchalik uzilishlar kuzatilmoqda.

Mutaxassislarimiz muammoni bartaraf etish bo‘yicha ish olib bormoqda.

Tushunganingiz uchun rahmat!

Elektr tarmog‘ida yuzaga kelgan nosozlik sababli xizmat ko‘rsatishda vaqtinchalik uzilishlar kuzatildi.

Ma’lum qilamizki, muammo muvaffaqiyatli bartaraf etildi. Barcha xizmatlar odatdagi tartibda ishlamoqda.

Sabr-toqat va tushunganingiz uchun rahmat.
Hurmat bilan, texnik yordam jamoangiz.

Veb-xosting boshqaruv paneli dasturiy ta'minotining texnik qo‘llab-quvvatlanishi to‘xtatilishi va axborot xavfsizligining tanqidiy zaifliklari bo‘yicha tuzatishlarni olish imkoni yo‘qligi, shuningdek, Data-markaz xizmatlarini modernizatsiya qilish munosabati bilan quyidagi tarif rejalari bo‘yicha "Veb-xosting" xizmati ko‘rsatilishi to‘xtatiladi: M50, M100, M250, M500, M750, G1, G2, G3, G4.

Quyidagi veb-xosting serverlari 2025 yil 1 apreldan ish faoliyatini to‘xtatadi:

• ns2.uzinfocom.uz

• ns3.uzinfocom.uz

• ns4.uzinfocom.uz

• ns5.uzinfocom.uz

• ns6.uzinfocom.uz

• ns7.uzinfocom.uz

• ns8.uzinfocom.uz

• zn1.uzinfocom.uz